Rytuał poświęcenia żłóbka.

V. Kýrie, eléison.

R. Christe, eléison. Kýrie, eléison.

Precémur omnes Deum, sicut Dóminus noster Iesus Christus oráre nos dócuit, grátias pro eius Nativitáte agéntes et dilatatiónem regni Dei in toto orbe terrárum implorántes.

Pater noster

V. Respícite et leváte cápita vestra.

R. Quóniam appropínquat redémptio vestra.

V. Rex pacíficus magnificátus est.

R. Cuius vultum desíderat univérsa terra.

V. Párvulus fílius hódie natus est nobis.

R. Et vocábitur Deus, Fortis.

V. Dómine, exáudi oratiónem meam.

R. Et clamor meus ad te véniat.

V. Dóminus vobíscum.

R. Et cum spíritu tuo.

Orémus. Da nobis, quǽsumus, Dómine, Deus noster: ut, qui Nativitátem Dómini nostri Iesu Christi mystériis nos frequentáre gaudémus: dignis conversatiónibus ad eius mereámar perveníre consórtium: Qui tecum vivit et regnat in sǽcula sæculórum. R. Amen.